Spazzini

Mi vedenu passà, i vecu chi mi fideghjanu
Mà ùn mi vedenu, mancu un sguardu
Eppurre un aghjiu malatie
So impiegatu da u fracicume

Mi vedenu passà ; mà ùn sanu chi st’odori mi piglianu, entrenu in mè sin’à l’ossi
Un la mi possu caccià issa pella
So corsu, cunsideratu cume un arabu
Serà què l’avviccinate di e razze ?

Mi vedenu passà, é i mo occhjii anu pocu fruntiere
S’ell’ùn hè issa magina di mulizzu chi rumineghja
E nimu si primureghja di sapè
S’aghjiu vergogna in fondu di mè

Mi vedenu passà, tutti calati, ben puliti
E à mo tenuta, riga gialla fusfuricente
Una stella appiciccata per ùn scurdami chi
Differente sò, puzzu é mi scantanu

Mi vedenu passà, ma quale hè chi vulerebbe di me
Pocu soli, e mistieru di merda
A cunniscite issa donna, di sicuru impazzita
D’innamurassi di un poveru spazzinu…